DIEGO ALONSO 5TET

Jazz. Vigo (GZ)
Venres 22 de setembro – 17.40h PT | 18.40h GZ - 40´ – Teatro Municipal de Tui (Tui).
*Aberto ao público xeral

Hurlé prods | distribucion.constancehurle@gmail.com

Diego Alonso 5tet “Nihil” é un proxecto de jazz liderado polo saxofonista e compositor vigués, con Pablo Patiño ao contrabaixo, Antón Quintela á batería e os consolidados Xan Campos ao piano e Virxilio da Silva á guitarra, ambos referentes nas escenas do jazz galega e internacional. As composicións deste quinteto plantexan diversas abordaxes rítmicas, tímbricas, texturais e estilísticas, que fomentan a voz individual de cada un dos membros, a interacción e a improvisación mesturada con pasaxes escritas e arranxadas para quinteto. O repertorio de Nihil tenta achegar unha reflexión sobre a sociedade actual, o nihilismo, a contraposición existencial entre a acción individual e a colectiva e a supervivencia do humanismo nunha modernidade líquida. As propias estruturas dos temas e os compases de amalgama utilizados en moitas das composicións, fan ao ouvinte fuxir do plano máis tradicional do jazz e engádenlle matices de sorpresa ao desenvolvemento das composicións. Este proxecto estreouse na Casa das Artes de Famalicão (Portugal), dentro do ciclo Jazz na Caixa cunha magnífica acollida por parte do numeroso público asistente.