LONTREIRA

Electrónica. A illa de Arousa (GZ)
Sábado 23 de setembro – 22.00h PT | 23.00h GZ - 40´ – Espazo OFF. Café Central (Tui).
*Aberto ao público xeral

Contra Producións | contacto@lontreira.gal

Adriana Cores, Héctor Rodríguez (Rotce) e Iván Barral unen o seu talento musical en Lontreira, unha banda con letras en galego, con raíces na Illa de Arousa e con Vigo como berce da súa formación que aparece no verán de 2022 e non deixa de dar pasos de xigante na industria musical galega. Foron a banda gañadora da “Canción do Verán 2022” en Galicia co tema Corazón de toxo e o seu disco “Apnea” logrou ser finalista na categoría de banda emerxente nos premios Martín Códax da Música 2023. Apnea é o primeiro traballo da banda no que se intercalan poemas e cancións que narran singladuras da vida a través das conexións especiais cos espazos naturais que os rodean. Presumen de cargar cada directo con novidades e postas en escena que pouca xente agarda ver, reiventándose en cada concerto e camiñando cara un son cada vez máis electrónico e eurovisivo.