RETIMBRAR

TugaBeat, Folk, World. Porto (PT)
Sábado 23 de setembro – 20.45h PT | 21.45h GZ - 40´– Paseo da Corredoira (Tui).
*Aberto ao público xeral

António rui fernandes - Tours e produções musicais | antonio@makuma.org

RETIMBRAR é un vibrante movemento nortuense, actualmente, orquestrado por 8 músicos e músicas que procuran pensar e crear a partir das tradicións musicais portuguesas.

As súas composicións, chamadas de ‘TugaBeat’, están enraizadas na diversidade do folclore nacional, na poesía popular e na oralidade, que están na orixe de cancións como “Pastor á Paisana” ou “Coisas da Minha Terra”. Parten do ritmo para dar voz e corda ás palabras e falan dun cotián transformado coa identidade de quen gravita entre a ruralidade e o paso viaxado doutras xeografías. Retimbrar foi seleccionado para o espectáculo de abertura do Womex 2021 e en 2022, seis anos despois da estrea de Voa Pé, presentaron Levantar do Chão un disco onde mostran un percorrido de colaboracións, vivido ao longo de dez anos entre talleres e proxectos con coletividades musicais como Ranchos Floclóricos e grupos de Zés-Pereiras, do cal forma parte “Maçãzinha” feat *Úxia, distinguido polos premios aRi[t]mar Galiza e Portugal como Mellor Canción Portuguesa de 2022. Este novo traballo despertou a atención do Instituto de Etnomusicologia da Universidade de Aveiro e deu orixe a un podcast e un documental (que sairá este ano), onde van dar a coñecer o percorrido ata Levantar do Chão, a enerxía que os move, ao vivo e entre bastidoras e a unión coas persoas.