NOVAS

O MUMI avanza as 12 propostas que se presentarán no mercado de música entre galiza e portugal

O MUMI avanza as primeiras confirmacións do seu programa profesional integrado por unha selección de bandas e artistas que abrazan a diversidade estilística e que comparten en moitos casos un sustrato onde as músicas de raíz son a fonte da que beber. Un feixe de propostas de moitísima calidade onde estarán representadas a música tradicional, o folk, o rock, a electrónica, as músicas urbanas, a canción de autoría, ou propostas musicais da vanguarda mais contemporánea, que dan boa conta do gran momento creativo que viven os dous territorios. Ademais, o programa contará tamén cunha banda catalana, froito do intercambio coa Fira Mediterrània de Manresa, grazas ao apoio da Xunta de Galicia.